Ikipe ya Manchester City yatsinze Tottenham Hotspur yari yatezwe mu mukino w’ikirarane cya shampiyona y’ikiciro cyambere mu Bwongereza, Arsenal ikura amaso ku gikombe.
Birasa nkaho Arsenal ku gikombe yakuyeho amaso kubera ikipe ikomeye Manchester City yari yatezwe iyikuye mu nzira.
Umukino warangiye Manchester City itsinze ibitego 2-0 ihita ifata umwanya wa mbere n’amanota 88 naho Tottenham Hotspur yo iguma ku mwanya wa 5 ibijyanye no gukina Champions League mu mwaka utaha biba birarangiye.
Uyu mukino washoboraga gusiga abafana ba Arsenal bari mu byishimo mu gihe ikipe ya Tottenham Hotspur yakwitambika Manchester City ikaba yayitsinda cyangwa bakanganya.
Ibi iyo biba Arsenal yari guhita yizera gutwara igikombe hakibura umukino umwe ngo shampiyona irangire kuko yahita ikomeza kuba ku mwanya wa mbere n’amanota 86 ubundi igasigara irebana no gutsinda umukino izakiramo Everton .
Manchester City yahise ifata umwanya wa mbere n’amanota 88 ubundi isigara irebana n’umukino wa nyuma izakiramo West Ham United kuri Etihad Stadium.
Ikipe ya Tottenham Hotspur yo yagiye gukina uyu mukino irwana no gushaka umwanya wa 4 muri shampiyona kugira ngo izakine Champions League mu mwaka utaha.
Yagiye gukina iri ku mwanya wa 5 n’amanota 63 ikaba yarushwaga amanota 5 na Aston Villa iri ku mwanya wa 4,ubwo bivuze ko iyo iramuka itsinze uyu mukino hari gusigaramo ikinyuranyo cy’amanota 2 ubundi bagasigara bareba umukino wa nyuma.
Muri rusange imibare yerekana ko mu mikino 51 iheruka guhuza aya makipe yombi, Tottenham Hotspur yatsinzemo imikino 23, Manchester City itsinda 21 naho banganya imikino 7.
Mu mikino 6 iheruka Manchester City yatsinzemo 3, Tottenham Hotspur yo itsinda 2 mu gihe banganyijemo 1.
About The Author
