Mu mikino ya shampiyona yo mu gihugu cy’Ubwongereza yakomezaga kuri iki cyumweru tariki 15 Gicurasi 2022, ikipe ya Man City iyoboye urutonde yatakaje amanota ubwo yahuraga n’ikipe ya Westham United.
Ni umukino iyi kipe yanganyirije ku kibuga cya London Stadium cy’ikipe ya Westham, aho amakipe yombi yanganyije ibitego 2-2 ndetse ikipe ya Man city yahushije penalite yari itewe na rutahizamu wayo Riyad Mahrez.
Ibitego bya Westham byatsinzwe mu gice cya mbere na J. Bowen mu gihe ibya Man City byabonetse mu gice cya kabiri aho icya mbere cyatsinzwe na Jack Grealish mu gihe icya kabiri ari umukinnyi wa Westham witwa V. Coufal wakitsinze.
Ku munota wa 86 ikipe ya Man City yagombaga kuba yabonye igitego cy’insinzi ariko umukinnyi Mahrez ahusha penalite iyi kipe yari ibonye.
Kunganya kwa Man city biyishizeho igitutu cyo gutsinda umukino basigaje wa nyuma aho izahura na Aston Villa ni mu gihe ikipe ya Liverpool bahanganye ku gikombe na yo isigaje imikino ibiri aho ifite amanota 86 mu gihe Man City ifite amanota 90.
Man City iramutse itakaje umukino ifitanye na Aston Villa Liverpool igatsinda iyo isigaranye yose yatwara igikombe cya shampiyona nta kabuza.
About The Author
