Muri iki gitondo cyo ku wa mbere ikipe y’umupira w’amaguru ya Rayon Sport yakoreye imyitozo ku kibuga cy’imyitozo isanzwe ikoreraho imyitozo cy’uruganda rwa Skol giherereye mu nzove.
Muri iyi myitozo, hari hategerejwe umukinnyi ukina mu izamu Kwizera Olvier wari warigeze gutangaza ko yasezeye umupira w’amaguru gusa nyuma aza kwisubiraho agaruka mu kibuga ndetse akaba yari agifitanye na Rayon sports amasezerano gusa kugeza ubu ntabwo yagaragaye mu myitozo y’iyi kipe.
Mu minsi yashize n’ibwo bamwe mu bakinnyi n’abayobozi ba Rayon sports bagiye kuganiriza Kwizera ku guruka gukinira iyi kipe uyu mukinnyi arabibemerera gusa basaba kubanza kumuha amafaranga bamurimo anagana na miliyoni umunani z’amanyarwanda. Rayon Sports yabwiye Olvier ko ayo mafaranga ntayo yahita ibona ko ariko yamushakira miliyoni enye akaba agarutse Kwizera nabyo arabyemera dore ko ayo mafaranga yari atanzwe na Muvunyi wigeze kuyiyobora.
Kwizera byavugwaga ko afite amasezerana ya Rayon Sports, ariko we atemeraga, aheruka mu izamu ryayo ubwo yanganyaga na Gasogi United igitego 1-1 mu mukino wabereye mu Bugesera muri Gicurasi 2021 Kuva ubwo, uyu munyezamu ntiyigeze yongera kugaruka mu kazi.
Gusa, Kwizera ntari mu bitabiriye imyitozo yo kuri uyu wa Mbere mu gitondo, ariko hari icyizere ko yakorana n’abandi ku mugoroba ni mugihe aba rayon benshi bari babyukiye mu nzove kureba umuzamu wabo.
Rayon Sports yatangiye Shampiyona ya 2021/22 itsinda Mukura Victory Sports igitego 1-0 mbere yo kunganya na Rutsiro FC, izasubukura Shampiyona ihura na Bugesera FC ku wa 20 Ugushyingo, iminsi ine mbere yo kwakirwa na APR FC.
About The Author
