Mu kiganiro bamenyerewemo bakora mu gitondo buri munsi cyitwa Rirarashe, Abanyamakuru babiri ba Radio/TV1 bikingije urukingo rwa gatatu live mu kiganiro kuri televiziyo bose babireba.
Ubwo bari mu kiganiro Rirarashe, mu gitondo cyo kuri uyu wa 3 Gashyantare 2022 nibwo abaganga babasanze muri studio za Radio 1 babakingira imbonankubone urukingo rwo gushimangira.
Aba banyamakuru bakoze ubu bukangurambaga mu gihe Abanyarwanda muri rusange bakomeje gushishikarizwa kwikingiza byuzuye mu rwego rwo kurushaho kwirinda icyorezo cya Covid-19.
By’umwihariko mu Mujyi wa Kigali, haherutse gutangizwa gahunda yo kwegereza abaturage inkingo za Covid-19 hifashishijwe imodoka. Ni ubukangurambaga bugamije gushishikariza Abanyakigali kwikingiza by’umwihariko abamaze gufata dose ebyiri z’urukingo rwa Covid-19 ariko bakaba batarafata urushimangira.
Ingengabihe igaragaza ko iyi modoka izajya igera ahahurira abantu benshi abatarakingirwa bahabwe inkingo ikomereze ahandi.
Imibare igaragaza ko abantu barenga miliyoni 8,5 bamaze guhabwa doze ya mbere y’urukingo mu gihe abarenga miliyoni 7,1 bo bamaze guhabwa doze ebyiri abahawe urukingo rushimangira barenga miliyoni imwe.
About The Author
