Uwari Umunyamakuru wa Radio Kiss FM Nkusi Arthur amaze iminsi asezeye ku mwuga w’itangazamakuru nyuma y’imyaka icumi yari amaze muri uyu mwuga aho yakoreraga Kiss fm.
Nyuma yo gusezera kwa Arthur, benshi bakomeje kwibaza ku muntu uzamusimbura dore ko yar amaze kubaka ikipe ikomeye hamwe na Isheja Sandrine bakoranaga mu kiganiro cya mu gitondo kuri iyi radio ya Kiss Fm byatumaga benshi bagira amatsiko menshi ku wundi uzamusimbura.
Mu kiganiro cya mugitondo cyo kuri uyu wa mbere kuri iyi radio humvikanye umunyamakuru mushya gusa usanzwe uzwi mu itangazamakuru ryo mu Rwanda nka Gentil Gedeon usanzwe amenyerewe mu biganiro marankuru kuri Youtube ndetse no ku maradiyo nka KT Radio, RadioTV10 na Radiyo Salus yatangiriyeho umwuga w’itangazamakuru.
Gentil kuri ubu nta gitangazamakuru yari afite akorera nyuma yo gusezera kuri KT radio gusa akaba yakoraga ku muyoboro we wa YouTube aho yanyuzagaho ibiganiro bye mbarankuru asanzwe amenyereweho. Kuri ubu agiye kujya akorana na Isheja Sandrine mu kiganiro cya mu gitondo kuri iyi radio.
About The Author
