Umusekerite uparika neza imodoka zigiye guhagarara hafi y’urusengero rwa ADEPR ruherereye hafi y’isoko ry’Akarere ka Nyarugenge mu Mujyi wa Kigali yabuze feri, imodoka yari atwaye igwa ku wundi muhanda w’ahazwi nko mu Gakinjiro.
Iyi mpanuka yabaye ahagana saa kumi n’igice zo ku wa Gatatu tariki ya 8 Ukuboza 2022 aho Iyi modoka yari itwawe n’uyu musekirite mbere y’uko ibura feri yagonze mu buryo bukomeye umugabo ufite ubumuga wari urimo gusabiriza mu muhanda uri rugururu yo mu gakinkiro ugana ku rusengero rwa ADEPR.
Ababonye iyi mpanuka babwiye Igihe dukesha iyi nkuru ko iyo modoka itari itwawe n’uwari usanzwe ayitwara ahubwo yari irimo umusekirite ukunda gufasha abantu guhagarika imodoka neza ku muhanda unyura kuri uru rusengero rwa ADEPR rwo mu Karere ka Nyarugenge.
Muhawenimana Diane yagize ati “ Ni umusekirite wari uyitwaye, nari mpagaze aha mbona imodoka ino ruguru igonga umugabo ukunda kuba ari gusabiriza ari aha ikomeza muri uriya muhanda wo hasi”
Dusabe Alex, we yavuze ko uwo mugabo iyi modoka yagonze yacitse amaguru. Ati “Uriya mugabo wasabirizaga yacitse amaguru n’umushoferi arakomereka cyane.”
Iyi mpanuka ikimara kuba inkomere zahise zijyanwa muburyo bwihuse mu Bitaro bya Kaminuza bya CHUK.
About The Author
Uwo musabirizi ni Imana yashatse kumuruhira 🕊️