Imvura yaguye kuri uyu wa kane tariki 24 Gashyantare mu karere ka Kamonyi yangij byinshi ndetse abana babiri b’abanyeshuri bakubitwa n’inkuba ku bwamahirwe bararokoka.
Iyi mvura yaguye ahagana saa munani zo kuri uyu wa Kane tariki 24 Gashyantare 2022. Hari abana b’abanyeshuri biga muri EP APPEK na GS Buguri mu murenge wa Rukoma bakubiswe n’inkuba kubw’amahirwe bararokoka.
Ubuyobozi bw’Akarere ka Kamonyi bwatangaje ko iyi mvura yangije imyaka igera kuri hegitari 8 yari mu bishanga biri mu murenge wa Rugarika n’uwa Runda ndetse na Ruyenzi.
Meya wa Kamonyi, Dr Nahayo Sylvere, yagize ati “ Ibyo yangije birimo inzu 11 zirimo ebyiri zo Murenge wa Kayenzi n’imwe yo mu murenge wa Mugina n’andi abiri yo mu murenge wa Rugarika ndetse n’atandatu aherereye mu murenge wa Runda.”
Yongeyeho ko iyi mvura yanasenye ibiraro bitatu birimo bibiri byo mu Murenge wa Runda na kimwe cyo mu murenge wa Musambira. Yongeyeho ko bari gukora ibishoboka byose ngo bagoboke abagizweho ingaruka.
About The Author
