Niyonizera Judith wabaye umugore w’umuhanzi Safi Madiba, yagaragaye aha imbwa ururabo ku munsi wa Saint Valentin, anayifuriza kuwishimira.
Amusho agaragaza Judith yashyize indabo zitukura mu kwaha kw’ibumoso, afashe n’urundi rurabo mu kiganza cy’iburyo arukuba ku mbwa ye iryamye, ayibwira ati: “Happy Valentine’s day Bébé!”
Mu kiganiro yagiriye kuri Yago TV Show kuri uyu munsi abakundana bizihiza, yabajijwe impamvu yahaye imbwa ururabo, asobanura ko ari inshuti nziza itajya ihinduka.
Yagize ati: “None se reka nkubwire, abantu wenda batunga imbwa baranyumva kurushaho. Buriya imbwa ni inshuti ya mbere wakwizera, ni inshuti ya mbere na mbere wagira. Imbwa igira urukundo rwinshi cyane, muba muziranye, cyane ko iyo nta muntu uhari ni yo mba ndi kumwe nayo. Ni inshuti yanjye rero, iraza ikambyutsa, ni uko itavuga. Rero ni yo tuba turi kumwe, ni nayo twari turi kumwe.”
Abajijwe niba atatesheje agaciro umunsi w’abakundana, Judith yavuze ko ahubwo byari kuba byiza iyo imbwa iza kuba yakira ururabo. Ati: “Ahubwo iyo iza kuba irwakira, irufata. Ibaye inarwakira kubera ko ari inshuti yanjye [ntibabyumve nabi], ntabwo ari imbwa gusa. Umuntu wese ukunda, …nkaziha abandi bantu badafite abari buzibahe.”
Judith yavuze ko kuri uyu munsi, na we hari inshuti zisanzwe zamuhaye indabo. Judith Niyonizera na Safi Madiba bakoze ubukwe mu Kwakira 2017. Gusa uyu muhanzi yemeje ko bombi batandukanye muri Kanama 2020.
About The Author
