Ishyirahamwe ry’umupira w’amaguru mu gihugu cya Sierra Leone ryamaze gutangaza kumugaragaro ko ryatangiye iperereza ku mikino ibiri yahuje amakipe ya Gulf FC vs Koquima Lebanon FC n’uwahuje Lumbenbu United vs Kahula Rangers yombi yabonetsemo ibitego 187.
Ni amakipe yo mu kiciro cya mbere cya shampiyona yo muri Sierra Leonne aho mu mukino wahuje Gulf FC yatsinze ibitego 91-1 Koquima Lebanon FC n’uwahuje Lumbenbu United yatsinzwe na Kahula Rangers ibitego 95 ku busa bity ishyirahamwe ry’umupira w’amaguru Sierra Leone Football Asociation (SLFA) ikaba yatangiye iperereza kuri iyi mikino igaragara ko hashobora kua harabayemo ruswa.
Iri perereza ryatangijwe ku bakinnyi b’amakipe yombi, abasifuzi ndetse n’abandi bari bayoboye iyi mikino ndetse n’abamwe mu bayobozi b’aya makipe yombi kuko bidasobanutse kumva ikipe yatsindwa ibitego bigera muri 95 mu mukino umwe.
SLFA ikomeza itangaza ko igendeye ku bubasha ihabwa n’amategeko ndetse n’amategeko agenga iri shyirahamwe ko izakora iperereza ku bo bireba bose kandi ko uwo bazasanga abiri inyuma na we azabihanirwa bikomeye.
About The Author
