Rutahizamu ukomoka mu gihugu cya Cameroun umaze iminsi ahwihwiswa kuza gukina mu ikipe ya Rayon Sports yamaze gusinyira indi kipe ya hano mu Rwanda.
Ni ikipe ya AS Kigali yamaze gusinyisha rutahizamu Man Yakre wari utegerejwe mu ikipe ya Rayon Sports nkuko amafoto n’amakuru yashizwe hanze n’umunyamakuru Sam Karenzi yabigaragaje.
Kuri ubu amwe mu makipe yo mu Rwanda akomeje kwiyubaka cyane cyane AS Kigali na APR FC zizakina imikino nyafurika y’amakipe yatwaye ibikombe mu bihugu byayo.
Si ubwa mbere ikipe ya Rayon Sports ikorerwa gapapu dore ko ikipe ya APR FC yabikoze ku mukinnyi Fabio wari uturutse muri Musanze FC.
Umutoza wa Rayon Sports aganira na Radio Rwanda yatangaje ko iyi kipe ifite gahunda yo gusinyisha abakinnyi bo hanze kandi bakomeye gusa avuga ko batazongera gukora ikosa ryo kuvuga abakinnyi bashaka kuko bahita babatwara.
About The Author
