![](https://www.byoseonline.rw/wp-content/uploads/2023/05/indege.jpg)
Amakuru aturuka mu bitangazamakuru byigenga byo mu Burusiya aravuga ko umuntu utazwi yinjiye mu kibuga cy’indege za gisirikare z’u Burusiya maze atwika indege yo mu bwoko bwa supersonic (igendera ku muvuduko ukubye uw’ijwi inshuro runaka), kandi abayobozi babimenya babibonye ku mbuga nkoranyambaga .
Amashusho y’indege igurumana yagaragaye ku wa Mbere ku muyoboro wa Telegram wa Freedom of Russia Legion, umuryango wo muri Ukraine ugizwe n’abahoze mu gisirikare cy’u Burusiya na Belarus bitandukanyije nacyo.
Nk’uko amakuru avuga, ngo indege yangiritse, ni iyo mu bwoko bwa Sukhoi-24, yari iparitse hafi y’umujyi wa Novosibirsk, muri Siberia. Novosibirsk iherereye mu bilometero 2000 mu burasirazuba bw’ahabera intambara muri Ukraine.
Amakuru akomeza avuga ko indege yangijwe yajyanwe gusanwa, kandi “agatsiko katazwi” gashinjwa kuba inyuma y’icyo gitero.
Ku wa Kabiri, umujyanama wa guverinoma ya Ukraine, Anton Geraschenko, nawe yashyize ayo mashusho kuri Twitter.
Igihe abashinzwe umutekano basuraga uruganda rw’indege rwa Novosibirsk, basanze ” Su-24 yatwitswe ifite ibimenyetso byo gutwikwa”.
Nubwo Freedom of Russia Legion ivuga ko iyi Su-24 “yarimbuwe burundu,” ngo indege “ntabwo yangiritse cyane.”