Impunzi nyinshi zahunze Uburundi, Repubulika ya demokarasi ya Kongo, Malawi, n’u Rwanda zivuga ko zidashobora gusubira mu bihugu zavuyemo kubera umutekano wazo, ariko zikavuga ko no muri Afurika y’Epfo zitorohewe bityo zigasaba kujyanwa mu bindi bihugu.
Izi mpunzi zemeza ko zitacyiyumvamo Afurika y’Epfo kubera urwango abaturage bayo bazigaragariza. Aba bamaze hafi ukwezi bakambitse hanze yibiro bya UNCHCR muri Afurika y’Epfo, basaba kwimurirwa mu bindi bihugu.
Zivuga ko amabutike yabo bakoreramo ubucuruzi asahurwa kandi badasiba kubuzwa amahwemo na ba kavukire. Lillian Nyota, yahunze Repubulika ya demokarasi ya Kongo, ari muri Afrika y’Epfo kuva mu 2001.
Nyota avuga ko ” Twahunze ibihugu byacu kubera imibabaro itagira ingano. Hano naho twahasanze irenze.” Uyu asaba ko basaba HCR kubimurira mu kindi gihugu gitekanye. Iki gihugu cya Afrika y’epfo icumbikiye impunzi zirenga 250,000
About The Author
