Nyuma yuko ikipe yo mu gihugu cy’Ubwongereza Manchester United itangaje ko yamaze gutandukana ku bw’umvikane n’uwari rutahizamo wayo Christian Ronaldo, ikipe ya KCCA yo mu gihugu cya Uganda yamaze gutangaza ko yatangiye ibiganiro n’uyu mukinnyi ndetse ko izatangaza icyavuye muri ibi biganiro.
Ibi iyi kipe yo muri Uganda yabitangaje ku munsi wejo ubwo amakuru yari amaze kumenyekana ko uyu mukinnyi yamaze gutandukana na Manchester United maze ihita itangaza ku rukuta rwayo rwa twitter igira iti: “Twishimiye kubatangariza ko twiteguye kuganira na Christiano Ronaldo, nta kindi tuzatangaza ibiganiro bitari byagera ku musozo”
KCCA (Kampala Capital City Authority Football Club ) ni ikipe y’umujyi wa Kampala mu gihugu cya Uganda aho yashinzwe mu mwaka wa 1963 akaba ari ikipe ifite ibkombe bitandukanye bikinirwa imbere mu gihugu dore ko iba mu makipe ahora ahanganiye gutwara igikombe cya shampiyona muri iki gihugu.
KCCA ibaye ikipe ya mbere itangaje ko yiteguye kuganira na Christiano nyuma yuko atandukanye na Manchester United yari amazemo igihe kitari kinini nyuma yuko avuye muri Juventus na Real Madrid yakoreyemo amateka akomeye.
We’re happy to announce that we have opened talks with @cristiano. 🤗
We will not be making further comment until this reaches conclusion. #KCCAFC
— KCCA FC (@KCCAFC) November 22, 2022
About The Author
