U Rwanda rwisanze mu itsinda L mu matsinda yo gushaka itike yo kwerekeza mu gikombe cya Afurika CAN2023, aho rwisanze mu itsinda rimwe n’ikipe iherutse gutwara iki gikombe.
Uretse Sénégal, u Rwanda ruri kumwe na Mozambique ndetse Bénin aho buri kipe yifuza kuzerekeza muri Côte d’Ivoire ahazabera CAN 2023 kuva ku itariki ya 23 Kamena kugeza ku ya 23 Nyakanga 2023.
U Rwanda ruheruka mu Gikombe cya Afurika mu 2004 aho cyari cyabereye muri Tunisie, hakaba hashize imyaka 18 Amavubi Stars atarongera gusubira muri iryo rushanwa.
Misiri iheruka ku mukino wa nyuma iri mu Itsinda rya Kane (D) aho iri kumwe na Ethiopia, Malawi na Guinée. Algeria ifite Igikombe cya 2019 iri mu Itsinda rya Gatandatu (F) aho iri kumwe na Tanzania, Niger ndetse na Uganda.
Itsinda L: U Rwanda, Mozambique, Bénin na Sénégal.
About The Author
