Nyuma y’imikino y’umunsi wa nyuma w’imikino ibanza muri shampiyona y’u Rwanda ikipe ya Rayon Sports yari yakiriye ikipe ya Gasogi United ya Kakooz Nkuriza Charles uzwi ku izina rya KNC aho ikipe ye yaje gutsindwa igitego kimwe ku busa.
Ni umukino waranzwe kutemeranya n’umusifuzi wo ku ruhande kuko hari igitego cyari gitsinzwe n’umukinnyi wa Gasogi United Nkubana Mark ari uyu musifuzi w’igitambaro wo ku ruhande aza kucyanga avuga ko abakinnyi ba Gasogi baraririye nyamara nkuko amashusho abigaragaraza umukinnyi yatereye kure umupira uruhukira mu nshundura nta wundi uwukozeho byari gutuma iyi zi kipe zombi zigabana amanota.
Nyuma yuko yanze iki gitego umusifuzi bamwuzuyeho (abakinnyi ba Gasogi United) batiyumvisha uburyo icyo gitego acyanze ariko biba iby’ubusa babura amanota yuyu munsi.
Nyuma y’uyu mukino mu kiganiro n’abanyamakuru Perezida w’ikipe ya Gasogi KNC wari uherutse no gufatirwa ibihano na Ferwafa ariko akaza kujurira yatangaje ko ikipe ye ( Gasogi United) ayikuye muri shampiyona y’u Rwanda ko amafaranga ye azayashora mu bindi.
Mu burakari bwinshi yagize ati: “Ndababaye cyane ibi bintu nta muntu wakomeza kubyihanganira, Mfashe icyemezo ikipe nyikuye muri Shampiyona, Nzakomeza kubahemba badakina amafaranga nibasoza nzayashira mu bindi. Ikipe yanjye nyikuye muri uyu mwanda kandi na Olvier(Perezida wa Ferwafa) nta bantu afite afite abajura gusa“
About The Author
