Ubuyobozi bw’ikipe ya Rayon Sports, bwatangaje ko iyi kipe itazakina umukino wo kwishyura w’Igikombe cy’Amahoro, wari kuzayihuza n’Intare FC tariki 10 Werurwe 2023.
Ibi byatangajwe na Perezida w’iyi kipe, Rtd Uwayezu Jean Fidèle, mu kiganiro n’abanyamakuru cyabaye kuri uyu wa gatatu nyuma yuko FERWAFA isubitse umukino habura amasaha abiri ngo umukino utangire.
Uyu muyobozi yavuze ko batiteguye gukina amarushanwa atagira amategeko.
Yasabye imbabazi abakunzi ba Rayon Sports ku bwo kuba iyi kipe itagikomeje muri iri rushanwa.