Mu mikino ya shampiyona y’ikiciro cya mbere mu Rwanda yakomeje kuri uyu wa gatandatu tariki 12 Gashyantare 2022, ikipe ya Rayon Sport yahuriye n’uruva gusenya i Huye ku kibuga cya Mukura Vivtory Sports.
Ni umukino watangiye saa cyenda kuri sitade mpuzamahanga ya Huye ari naho ikipe ya Mukura vc yakirira imikino yayo ya shampiyona.
Ni umukino ikipe ya Mukura yakinnye ifite morari nyinshi nyuma yaho yari imaze gutsinda ikipe ya APR FC ikuyeho agahigo yari imaze imyaka idatsindwa. Kuri uyu wa gatandatu ni ikipe ya Rayon Sports yari itahiwe kuko yaje gutsindwa igitego kimwe ku busa (1-0).
Ikipe ya Mukura yabonye igitego cyayo mu gice cya kabiri dore ko hari n’ikindi yatsinze umusifuzi akacyanga n’ubwo benshi bemezaga ko ari cyo.
Iyi kipe ya Mukura kuri ubu ifite perezida wayo mushya witwa Maniraguha Ndamage Jean d’Amascene watowe kuri uyu wa Gatandatu mu nama yaguye y’iyi kipe.
About The Author
