Mu mikino y’umunsi wa cumi na gatatu wa shampiyona y’u Rwanda yakinywe kuri iki cyumweru, ikipe ya Rayon Sports yakubitiwe ahareba inzega mu karere ka Rubavu itaha yimyiza imoso.
Iyi kipe ya Rayon Sports yakiriwe na Entincelle yo mu karere ka Rubavu aho iyi kipe yaje kwihaniza Rayon Sports iyitsinda ibitego 3-2.
Ni umukino waranzwe no kwinjizanya ibitego ku mpande zombi aho ikipe ya Entincelle yabanje gutsinda ibitego 3 byose ku busa bwa Rayon Sports kugeza ubwo mu gice cya kabiri uwitwa Paul Wele yaje gutsindira Rayon igitego cya mbere.
Hadaciye igihe kinini ikipe ya Rayon yongeye kunyeganyeza inshundura nikozwe na Moussa Kamara biba bibaye ibitego 2-3.
Ikipe ya Entincelle yaje kubona penalite ariko ikaza kuyihusha gusa umupira urangira ari 3_2.
Kuri ubu ikipe ya Rayon iracyayobiye urutonde rwa shampiyona namanota 28 mu gihe AS Kigali iri ku mwanya wa kabiri.
About The Author
