Mu mikino ihuza amakipe yabaye aya mbere mu bihugu bitandukanye bya Afurika CAF Champions League ikipe ya APR FC yanyagiwe na Pyramids FC yo mu Misiri ibitego 6-1.
Ni umukino wihariwe cyane n’ikipe ya Pyramids fc aho ku munota wa 18 iyi kipa yafunguye amazamu.
Ntabwo byatinze kuko no kumunota wa 21 Pyramids yabonye igitego cya kabiri, ari nako igice cya mbere cyarangiye.
Igice cya kabiri cyatangiye ikipe ya APR FC ishaka uburyo bwo gushaka igitego ariko bikaba ibyubusa maze ku munota wa 56 itsindwa icya gatatu, cyakurikiwe nicya kane ku munota wa 61, icya gatanu ku munota wa 70, icya gatandatu ku munota wa 82, cyatsinzwe kuri penalite.
Ikipe ya APR FC yaje gutsinda igitego kimwe cy’impozamarira cyatsinzwe kuri penalite na Mbaoma ku munota wa 86 maze umukino urangira ari ibitego 6-1.
Ikipe ya APR FC itsinzwe ibi bitego nyuma yuko mu mukino ubanza hano i Kigali byanganyije ubusa ku busa.
Mukeba wayo Rayon Sports izakina ku munsi w’ejo aho izakira Al Hilal Benghazi kuri Kigali Pele Stadium i Nyamirambo.
About The Author
