![](https://www.byoseonline.rw/wp-content/uploads/2021/10/aprfcofficial_p_cuajwvfopho_1-1-1-1024x724.jpg)
Imikino nyafurika ihuza amakipe yabaye aya mbere i wayo ku mugabane w’afurika CAF Champions League ikipe ya APR FC yari yagiye mu gihugu cya Tunisia gukina umukino wo kwishyura n’ikipe ya Etoille Sportif du Sahel yo muri Tunisia.
Ni umukino wabereye mu mujyi wa monastel w’iki gihugu kuri Stade Olympique de Sousse aho ikipe ya APR FC yaje kwandagazwa na Etoille du Sahel ikayitsinda ibitego bine ku busa (4-0) aho bibiri byose byabonetse kuri penaliti ndtse n’ibindi bibiri bikaba byatsinzwe mu minota y’inyongera.
Ni ibitego byatsinzwe na Yassine Chikhaoui watsinzemo bibiri ndetse n’ibindi bibiri byatsinzwe mu minota y’i nyongera y’umukino ibitego byose mu mukino ubanza no kwishura biba 5-1.
Nubwo ikipe ya APR FC yatsinzwe, iyi kipe yakinnye umupira wo ku rwego rwo hejuru aho abafana ba Etaoille sportif du Sahel bari bari kuririmba indirimbo zamagana imikinire y’iyi kipe yabo n’ubwo n’umusifuzi Patrick Gasama yari yabereye ibamba APR FC aho yashinjwaga kuyishiraho igitutu ayiha amakarita ndetse na Penalite ya mbere ntiyavuzweho rumwe.
Uyu musifuzi benshi batebyaga bavuga ko yari ari gutura imibi (bivuze ko yari yariye ruswa) yashinjijwe na benshi bamushinja kubogamira ku ikipe ya E S Sahel gusa nanone iyi kipe ntiwahakana ko itatsinze umukino kandi nta gitego APR FC Yatsinze ngo uyu musifuzi ngo acyange.
Nyuma yo gusezererwa iyi kipe ya APR FC igiye kwitegura kujya muri Confederation cup kugerageza amahirwe ihura n’ikipe imwe yayitsinda igahita ijya mu matsinda ya Confederation cup.