Abahanzi nyarwanda barimo; Fireman, Knowless na Niyo Bosco bikuye mu bitaramo byiswe ‘People’s Concerts’ byateguwe mu gususurutsa Abanyakigali n’abashyitsi bitabiriye CHOGM mbere y’amasaha make ngo bitangire.
Igitaramo cya mbere muri ‘People’s Choice’ kigomba kubera i Nyamirambo ahazwi nka ‘Tapis Rouge’ mu gihe icya kabiri kizabera i Rugende ku Cyumweru. Niyo Bosco na Butera Knowless bari mu bazaririmba muri ibi bitaramo ariko bikuyemo ku mpamvu zitari zamenyekana.
Amakuru atugeraho ni uko aba bahanzi uko ari batatu ngo bahise basimbuzwa Chris Eazy, Mico The Best na Bwiza naho kwinjira muri ibi bitaramo byose bigirwa ubuntu.
Biravugwa kandi ko aba bahanzi hari amafaranga bari bemerewe ariko nyuma bakabwirwa ko hari ayo barabakataho bityo aba bakaba baranze icyo kifuzo bahitamo kureka kwitabira ibi bitaramo.
Riderman, Bwiza, Juno Kizigenza, Ariel Wayz, Bushali, Mico The Best, Kenny Sol, Okkama, Fireman, Mani Martin na Intore Tuyisenge ni bo bitezwe ko babiririmbamo.
About The Author
