Umunyamakuru Bagirishya Jean de Dieu yamaze gufungurwa nyuma y’amazi umunani yari amaze muri gereza afungiwe gukoresha inyandiko mpimbano ubwo yari Visi perezida w’ishirahamwe ry’umukino wa Volleyball mu Rwanda yamaze gufungurwa ubu akaba yasubiye mu buzima busanzwe.
Tariki 20 Nzeri, 2021 Umuvugizi wa RIB yabwiye itangazamakuru ati “Visi Perezida wa Kabiri wa Federation y’umukino wa Volleyball ushinzwe ibikorwa yatawe muri yombi mu rwego rw’iperereza rikomeje rifitanye isano n’ihagarikwa ry’ikipe y’igihugu ya Volleyball mu marushanwa nyafurika ategurwa na CAVB.”
Castar yatawe muri yombi ku wa 20 Nzeri 2021. Yahise aburanishwa mu mizi hatabayeho ko aburana ifunga n’ifungurwa ry’agateganyo kuko yaburanye yemera icyaha, anagisabira imbabazi.
Jado Castar usanzwe ari Visi Perezida wa Kabiri ushinzwe Amarushanwa mu Ishyirahamwe nyarwanda ry’Umukino wa Volleyball (FRVB), yakatiwe imyaka ibiri n’Urukiko Rwisumbuye rwa Gasabo ku wa 13 Ukwakira 2021, ahamijwe icyaha cyo gukoresha inyandiko mpimbano. Gusa nyuma yaje kujurira aragabanyirizwa ahanishwa igihano cy’imezi umunani kuri ubu yarangiye.
Uyu mugabo usanzwe ari umunyamakuru w’imikino akaba na nyiri B&B FM- Umwezi, yahamijwe icyaha cyo gukoresha inyandiko mpimbano ubwo Ikipe y’Igihugu y’u Rwanda y’Abagore yari mu Gikombe cya Afurika cya Volleyball cyabereye i Kigali hagati ya tariki ya 10 n’iya 20 Nzeri 2021, ishinjwa gukinisha abakinnyi bakomoka muri Brésil batujuje ibisabwa.
Gukurwa mu irushanwa kw’Ikipe y’Igihugu y’Abagore byatumye FRVB ihagarikwa by’agateganyo n’Ishyirahamwe Mpuzamahanga ry’Umukino wa Volleyball (FIVB) ndetse haracyategerejwe umwanzuro ntakuka uzafatirwa u Rwanda.
About The Author
