Ku gicamunsi cyo kuri uyu wa mbere, Urwego rw’Igihugu rushinzwe ubugenzacyaha RIB rwatangaje ko rwataye muri yombi Miss Rwanda 2017 Iradukunda Elsa akurikiranyweho icyaha cy’inyandiko mpimbano no kubangamira iperereza.
Bivugwa ko uyu Miss Iradukunda ko yanditse ibaruwa ibeshyuza ko Prince Kid yakoreye ihohotera rishingiye ku gitsina bamwe mu bakobwa bitabiriye iri rushanwa rya Miss Rwanda ibi ndetse akaba yarategetse n’abandi bakobwa kubikora.
Mu ibaruwa byoseonline.rw ifitiye kopi, yanditswe na Miss Iradukunda Elsa ndetse iteyeho na kashi za noteri akaba yarayandikiye abo bireba bose ivuga ko nta hohotera yigeze akorerwa na Ishimwe Dieudonne uzwi nka Prince Kid yaba mbere cyangwa mu irushanwa rya Miss Rwanda.
Akomeza avuga ko ibihembo ndetse n’umushahara yari yarasezeranyijwe nka Miss Rwanda byose yabihawe uko byari biteganijwe nta kiguzi atanze.
About The Author
