Nyuma y’ibihe by’akababaro k’umuhanzi w’umunya-Tanzania, Rajab Abdul Kahali uzwi nka Harmonize na Frida Kajala; ubu ibyishimo n’umunezero bivanze n’impano n’udukino tw’urudaca, ni byose ku mpande zombi.
Urebye ku mbuga nkoranyambaga z’aba bombi, usanganirwa n’amashusho n’amafoto agaragaza kunyurwa kw’aba bombi muri iyi minsi abagaragaza bari kumwe bishimanye, kandi aherekejwe n’ibimenyetso by’urukundo yaba imitima n’andi magambo aryohereye.
Muri uku gukomeza kugaragariza rubanda ko bari mu munyenga w’urukundo rudasanzwe uyu muhanzi w’icyamamare muri Tanzania yongeye gutungura abantu ubwo yashyiraga hanze ifoto y’uwahoze ari umukunzi we Kadjala Frida bambaye ubusa igice cyo hejuru.
Hari hashize igihe aba bombi bavugwaho ko basubiranye mu rukundo. Kuri uyu wa gatatu nibwo uyu muhanzi yasimbukiye kuri instagram maze ashyira hanze ifoto yabo batambaye igice cyo hejuru maze benshi bacika ururondogoro.
About The Author
