Ubushinjacyaha bukurikiranye umugore w’imyaka 33 wishe umugabo we w’imyaka 34 amukubise ifuni mu mutwe .
Icyaha cyabaye mu ijoro ryo ku wa 28/11/2024 mu Mudugudu wa Mwiba, Akagari ka Nyabitare, Umurenge wa Gishubi mu Karere ka Gisagara nk’uko iyi nkuru dukesha Ubushinjacyaha Bukuru ivuga.
Mu ibazwa rye, uregwa yavuze ko yari yasangiye n’umugabo we inzoga mu kabari, bagera mu rugo nijoro bagatongana; umugabo akamukubita urushyi nawe agafata agafuni akakamukubita mu musaya.
Icyaha akurikiranyweho giteganywa kandi kigahanishwa igihano cy’igifungo cya burundu nk’uko biteganywa n’ingingo ya 107 y’ Itegeko no 68/2018 ryo ku wa 30/08/2018 riteganya ibyaha n’ibihano muri rusange nk’uko ryavuguruwe kugeza ubu.
About The Author
