Urwego rw’igihugu rw’ubugenzacyaha (RIB) rwataye muri yombi umuyobozi wa SACCO Kabarore mu karere ka Gatsibo, imukekaho kugira uruhare mu bujura bw’amafaranga y’u Rwanda miliyoni 37 bwabereyemo.
RIB isobanura ko iyi SACCO yibwe aya mafaranga ku wa 26 Gicurasi 2023, kuva ubwo ikibimenyeshwa, itangira gukora iperereza ngo imenye abagize uruhare muri ubu bujura.
Uwa mbere ukekwaho iki cyaha ni umucungamutungo w’iyi SACCO, Mukabaramba Françoise wari wasigariyeho umuyobozi (Manager) w’iyi koperative witwa Umuhoza Jacqueline.
Uru rwego rusobanura ko rwafashe Umuhoza ku ikubitiro, Mukabaramba we akaba yaratorotse, kugeza ubu aracyashakishwa. Rusaba uwaba azi aho aherereye kumutangaho amakuru kugira ngo agezwe mu butabera.
About The Author
