Umunyamuzikikazi umenyerewe mu Rwanda mu kuvanga umuziki asusurutsa abitabiriye ibirori bitandukanye DJ Brianne akomeje gutangaza benshi nyuma yo gushyira hanze amafoto ye ya cyera atari yamenyekana benshi batangira kumubaza aho ubwiza yari afite yabushize.
DJ Brianne umenyerewe mu kuvanga umuziki ariko na none akaba akunze no kugaragara ku mbuga nkoranyambaga zitandukanye atanga ibitekerezo ku ngingo zitandukanye ndetse akaba azwiho kugira umutima wo gufasha abantu bababaye badafite ubushobozi biganjemo abana.
Abinyujije ku rukuta rwe rwa Twitter Dj Brianne yashize hanze amafoto amugaragaza mu minsi ya mbere atari yamenyekana mu myenda ya bikini ndetse nahandi agaragara ko atandukanye na Brianne wubu abantu benshi bazi mu kuvanga umuziki ndetse no gukunda kunywa inzoga nkuko yagiye anabyivugira kenshi.
Mu magambo yaherekesheje aya mafoto yagize ati:”Nkumbuye uyu mu Brianne, ariko ngo nari icyuki?”
Benshi mu bamukurikira bahise bamusamira hejuru bamubwira ko mbere yari umukobwa mwiza none ubu akaba yarahindutse cyane yarigize nk’umuhungu mu gihe mbere yari umukobwa utagira uko asa.
Uwitwa Bapfakurera yagize ati: “Aha ho nanjye nari kuhagwa watengushye amaniga”
Uwitwa Inzagihe we yagize ati:” Mbegaaa inzoga si ikintu urabona ukuntu zangije malayika w’umucyo agacupira”
About The Author
