Nyuma ya tombola y’uko amakipe azahura mu mikino y’ijonjora ry’ibanze ihuza amakipe yabaye aya mbere iwayo ku mugabane wa Afurika, CAF Champions League na cofederation league police fc na APR FC bisanze barikumwe n’ibigugu.
Iyi tombola yabaye kuri uyu wa Kane, ibera ku Cyicaro gikuru cy’Impuzamashyirahamwe y’Umupira w’Amaguru ku Mugabane wa Afurika, CAF, giherereye mu Misiri.
Yasize ikipe ya APR FC ihagarariye u Rwanda mu marushanwa ya CAF Champions League, izakina na Azam FC yo muri Tanzania mu ijonjora rya mbere ry’ibanze ku makipe yabaye aya mbere iwayo muri Afurika.
Ikipe izasezerera indi hagati y’ikipe y’Ingabo na Azam, izahita ihura n’izaba yasezereye indi hagati ya JKU yo muri Zanzibar na Pyramids FC yo mu Misiri yasezereye APR FC mu mwaka ushize. Isezereye indi aha, ihita ibona itike yo kujya mu matsinda.
Imikino ibanza izakinwa tariki ya 13-15 Nzeri, mu gihe iyo kwishyura izakinwa tariki ya 20-22 Nzeri. APR FC izabanza muri Tanzania, mu gihe Pyramids FC na yo izabanza muri Zanzibar.
Iyi tombola kandi yasize Police FC ihagarariye u Rwanda muri CAF Confederation Cup, imenye ko izakina na Club Sportif Constantine yo mu gihugu cya Algérie. Ikipe y’Abashinzwe Umutekano izabanza muri Algérie, umukino wo kwishyura uzabere i Kigali.
Izasezerera indi hagati y’izi zombi, izahita ihura n’izaba yasezereye indi hagati ya Nsoatreman FC yo muri Ghana na TP Elect Sport yo muri Chad. Imikino ibanza iteganyijwe kuzakinwa tariki ya 16-18 Kanama, mu gihe iyo kwishyura iteganyijwe kuzakinwa tariki ya 23-25 Kanama.
Imikino ibanza y’icyiciro cya Kabiri mu ijonjora ry’ibanze, izakinwa tariki ya 13-15 Nzeri, mu gihe iyo kwishyura izakinwa tariki ya 20-22 Nzeri.
About The Author
