Umukinnyi wa Sinema Lupita Amondi Nyong’o wamamaye muri filime zirimo ‘Black Panther’ yagerageje kurya inzoka ku nshuro ya mbere, atangaza ko ifite icyanga nk’icy’inkoko.
Mu mashusho yatambukije ku mbuga nkoranyambaga akoresha, Lupita yatangaje ko ari ubwa mbere yari agiye kurya inzoka, ariko ko yatunguwe no gusanga iryoshye nk’inkoko.
Yagize ati “Bagabo namwe bagore, mugiye kundeba ndya inzoka yo muri Benin. Ni ubwa mbere ngiye kurya inzoka.”
Byabanje gusa nk’ibimunanira kwiyumvisha ko agiye kurya inzoka, ariko Nyong’o yageze aho aterura imwe mu ntongo zari mu isorori aryaho avuga ko iryoshye nk’inkoko.
Uyu mukobwa w’imyaka 40 wamamaye muri Sinema ya Hollywood, yavuze ko kuyirya ashobora kubigira ibintu bihoraho.
Nubwo gahunda yagiyemo muri Benin zitaramenyekana, uyu mukobwa akunda kugenderera iki gihugu cyane. Yakinnye filime yise ‘Warrior Women’ igaruka ku bagore b’indwanyi bazwi mu mateka y’iki gihugu.
About The Author
