Buhigiro Jacques wabaye umunyezamu wa mbere mu ikipe ya Rayon Sports yitabye Imana kuri uyu wa kane tariki ya 14 Mata 2022 aguye mu bitaro bya gisirikare bya Kanombe.
Usibye gukina umupira kandi Buhigiro Jacques yamenyekanye mu ndirimbo zirimo Amafaranga, Agahinda karakanyagwa,Nkubaze Primus n’izindi.
Umwe mu bari inshuti za Nyakwigendera yahamije aya makuru ko uyu musaza yitabye Imana kuri uyu wa 14 Mata 2022.
Ati “Yitabye Imana azize uburwayi, mu minsi ishize yafashwe na Stroke ajyanwa kwa muganga none birangiye yitahiye.”
Uretse izi ndirimbo, Buhigiro wari ufite imyaka 78 yari n’umunyezamu w’amateka muri Rayon Sports yo ha mbere. Ni umwe mu bakinnyi batangiranye na Rayon Sports ubwo yashingwaga.
Buhigiro yitabye Imana yari umuganga ufite ivuriro rivura abakinnyi b’amakipe y’Igihugu mu ma federasiyo atandukanye agakorana bya hafi na Minisiteri ya siporo mu Rwanda.
About The Author
