Umuhanzi Itahiwacu Bruce wamenyekanye mu muziki nyarwanda nka Bruce Melodie afatanyije n’umujyanama we Coach Gael, bagiye kubako inzu y’imyidagaduro i Kigali izitwa ’Blue Sky Park Arena’.
Amakuru avuga ko iyi nzu izubakwa ku gisenge cy’inyubako ya CHIC iri rwagati mu mujyi wa Kigali, ikazajya iberamo imikino itandukanye ndetse n’imyidagaduro.
Iyi nyubako izaba ishobora kwakira ibitaramo n’ibirori bitandukanye, kandi ikazaba ifite ibibuga by’imikino igiye itandukanye nka ‘Mini Football, Basketball’ ikajya inakorerwamo siporo ngororamubiri ‘Gym’.
Umushinga wo kubaka iyi nyubako ushobora kuzarangira utwaye akayabo k’amafaranga arenga miliyoni 700 z’amanyarwanda.
Coach Gael asanzwe ari umushoramari muri buziness zitandukanye, cyane mu myidagaduro dore ko asanzwe afite inzu itunganya umuziki yitwa 1:55AM Entertainment ikoreramo Producer Element ’Eleeeeh’ wayijemo avuye muri County Records.
Ni mu gihe kandi Bruce Melodie we ari umuhanzi ukorana umwete umwuga we, dore ko ajya yiyita Munyakazi, agashinja abandi bahanzi bagenzi be b’Abanyarwanda ko ari abanebwe.
About The Author
