Mu minsi yashize nibwo Niyomubyeyi Noella wamamaye muri Filime y’uruhererekane ya Papa Sava yitwa Fofo yarikoroje kuri instagram bitewe n’ifoto ye yagiye hanze igaragaza ikimero cye,ndetse akibasirwa n’abatari bake, bavuga ko imyanya y’ibanga ye yayigaragaje.
Mu kiganiro yagiranye n’umunyamakuru Irene Murindahabi yamubajije ku buryo yakiriye ibitekerezo byatanzwe kuri iriya foto ,avuga ko byamutunguye ubwo yabyukaga agasanga ifoto ye yateje impaka kuri instagram abiganjemo ab’igitsinagabo bamushinja kubereka imiterere y’imyanya ye y’ibanga.
Avuga ko atari yiteze ko ikimero cye cyari guteza ibibazo bigeze aho byageze gusa ngo nawe nyuma yarayitegereje ashishoje abona koko yarengereye ariko ngo kubera ko byari byarangiye nta garuriro arayihorera abavuga bakomeza kuvuga.
Abajijwe ku buryo yitwaye muri Miss Rwanda yasubije ko yagerageje ariko avuga ko atabashije gukomeza muri iri rushanwa kuko Prince Kid wari umuyobozi waryo yabonye ko atari ku rwego yifuzaga.
About The Author
