Umukinnyi wa filime umaze kumenyekana muri filime nyarwanda Munezero Aline yasabwe aranakobwa kuri uyu wa gatandatu tariki 08 Mutarama 2022 akaba yinjiye mu muryango wo kwa Sentore kuko yasabwe na Sentore Lionel usanzwe uba mu gihugu cyo hanze.
Gusaba no gukwa byabereye kuri Golden Garden ku irebero ku gicamunsi hakaba ari ho hateganijwe gusezerana imbere y’Imana nyuma yaho abatumiwe bakaba barakirirwa i Rebero kuri Golden Garden.
Bakoze ubukwe nyuma y’uko ku mugoroba wo ku wa ya 16 Ukuboza 2021, muri Kigali Serena Hotel, Lionel Sentore yari yamwambitse impeta y’urukundo, ni mu muhango wahuriranye n’isabukuru y’amavuko y’uyu mukobwa. Lionel Sentore usanzwe uririmba injyana gakondo, akoze ubukwe na Bijoux nyuma y’uko muri 2020 na we yari yambitse impeta Mahoro Anesie umwe mu bakobwa bitabiriye Miss Rwanda 2020.
Bijoux nawe kandi yigeze kwambikwa impeta inshuro ebyiri zose ariko ntiyakomezanya n’abazimwambitse dore ko anafite umwana yabyaranye n’undi musore.
About The Author
