Nyuma yaho tubagejejeho inkuru ivuga ko https://byoseonline.rw/inzira-zabaye-ebyiri-hagati-ya-apotre-gitwaza-nabo-bashinganye-zion-temple-bandikiye-perezida-paul-kagame/ Abavugabutumwa bagera kuri batandatu banditse ibaruwa yeguza uwari umuyobozi wa Zion Temple Dr Paul Gitwaza kubera amacakubiri no gushaka kubaheza kandi barashinganye iri torero.
Iyi baruwa yari yashyizweho umukono n’abarimo Bishop Claude Djessa, Bishop Dieudonné Vuningoma, Bishop Pierre Kaberuka, Bishop Richard Muya, Bishop Charles Mudakikwa na Bishop Paul Daniel Kukimunu.
Aba icyemezo cyabo cyeguza Apôtle Dr. Paul Gitwaza bakimenyesheje abarimo Perezida Paul Kagame, Minisitiri w’Intebe Dr Edouard Ngirente, Minisitiri w’Ubutabera, uw’Ubutegetsi bw’Igihugu, Umuyobozi Mukuru wa RGB, Uwa Polisi y’u Rwanda, Umunyamabanga Nshingwabikorwa w’akarere ka Kicukiro ndetse n’Abayoboke ba Zion Temple bagaragaza ko yagiye ahonyora amategeko ya Zion Temple akanarangwa n’ibikorwa bigayitse byo kunyereza umutungo.
Nyuma yo kukimenyesha Urwego rw’Igihugu rw’Imiyoborere RGB rubifite mu nshingano, Uru rwego rwabasubije ko icyemezo bafashe kidakwiye. Iti: “Icyemezo mwafashe ntabwo gikwiye kuko mutari inteko rusange kuko ari rwo rwego rw’umuryango rufite ububasha bwo gufata iki cyemezo”.
RGB kandi yabamenyesheje ko “mugomba guhagarika ibikorwa byo kwihesha ububasha badafite n’ibindi byose bishobora guteza umutekano muke mu banyamuryango n’abakrisitu ba Authentic Word Ministries-Zion Temple Celebration Center”
RGB yasoje imenyesha inzego zishinzwe iyubahirizwa ry’amategeko ko zigomba gukurikirana iki kibazo zikareba niba nta bikorwa bihungabanya ituze mu muryango Authentic Word Ministries-Zion Temple Celebration Center”.
About The Author
