Mu mikino ya shampiyona y’ikiciro cya mbere mu Rwanda ku munsi wayo wa 15 yakomezaga kuri uyu wa gatatu tariki 21 Mutarama aho amakipe menshi yakinnye ikipe ya Etoile de l’Est ikaza kwandagaza AS Kigali iyitsinze ibitego 2-0.
Kuri uyu munsi wa 15 wa shampiyona ikipe ya Rayon Sports yari yakiriye ikipe ya Gasogi United akaba ari umukino wari witezweho gukanirana ku mpande zombi ariko ikipe ya Rayon Sport birangira iwutsinze ku gitego 1-0.
Ikipe ya Mukura Victory Sport na yo mu karere ka Huye yari yakiriye ikipe yo mu karere ka Rubavu ya Entincelles FC aho yaje no kuyitsinda igitego 1-0 Entincelles. Hagati aho ikipe yaje gutungurana ni ikipe ya Etoile de l’Est yari yakiriye AS Kigali aho yaje kuyitungura ikayitsinda ibitego 2-0.
Ni na ko kandi Bugesera nayo yari yakinnye na Gicumbi iza kuyitsinda ibitego 2-0 naho ikipe ya Rutsiro nayo yari yakiriye Musanze FC aho Rutsiro yatsinzwe igitego ku gitego 1-0.
Ku munsi w’ejo hari umukino ukomeye uzahuza ikipe ya APR FC na Police FC ari naho amakipe nka Kiyovu, Marine, Espoir, Gorilla zizakina ku munsi wejo.
About The Author
