Kuri iki cyumweru tariki ya 18 Nzeri 2022, amakipe yari ahagarariye u Rwanda mu mikino ya CAF Confederation Cup na CAF Champions League ari yo AS Kigali na APR FC maze imwe ikomeza mu cyiciro gikurikiyeho indi igaruka mu rugo.
Igitego cya Kalisa Rachid cyafashije AS Kigali gukomeza mu kindi cyiciro cya CAF Confederation Cup isezereye ASAS Djibouti Télécom mu mukino wabereye kuri Stade Mpuzamahanga ya Huye, kuri iki Cyumweru, tariki ya 18 Nzeri 2022.
Ni mu gihe ikipe ya APR FC urugendo rwayo rwerekeza mu mikino ikurikira ya CAF Champions League rwarangiriye mu gihugu cya Tunisie aho yatsindwaga ibitego bitatu ku busa (3-0) mu mukino wo kwishyura mu gihe ubanza yari yatsindiye iyi kipe ya US Monastir i Huye igitego kimwe ku busa mu mikino yombi bikaba ibitego 3-1.
Ikipe ya APR FC yarangije umukino ari abakinnyi icumi mu kibuga nyuma yaho mu minota ya nyuma Niyigena Clement ahabwa ikarita itukura gusa birangira APR FC itashye itageze mu matsinda nkuko arizo nzozi zayo.
Biteganyijwe ko ikipe ya AS Kigali izakomeza mu kindi kiciro aho izahura na AL Nasr Sports yo mu gihugu cya Libya.
About The Author
