![](https://www.byoseonline.rw/wp-content/uploads/2023/11/The-Ben-1024x1024.jpg)
Umuhanzi Mugisha Benjamin wamamaye nka The Ben ukubutse muri Canada, yasesekaye i Kigali atangaza ko abantu bakwiye kwitega igitaramo kizamuhuza na Bruce Melody kikabera kuri Sitade Amahoro nshya izaba yakira abasaga ibihumbi 45.
Rusamagwe ubura iminsi mike ngo arongore Miss Uwicyeza Pamelle yarengejeho ko agiye kumara inyota y’imyaka ibiri abakunzi b’umuziki we, agasohora indirimbo nshya mbere y’ubukwe.
The Ben yabigarutseho mu kiganiro yagiranye n’Itangazamakuru ry’i Kigali ryaje kumwakira. Uyu muhanzi kandi yahuye n’umufana we Valentine wamamaye ku mbuga nkoranyambaga nka “Dore Imbogo”
The Ben na Uwicyeza Pamella bagiye kurushinga mu bukwe buteganyijwe tariki 23 Ukuboza 2023, muri Convention Center nkuko amakuru dukesha urubuga rwabo www.thebenandpamella.com abivuga. Uru rubuga ni narwo abantu bari kwifashisha batera inkunga uyu muryango.