Ikipe y’Igihugu ’Amavubi’ yazamutseho imyanya ibiri ku rutonde ngarukakwezi rw’Impuzamashyirahamwe y’Umupira w’Amaguru ku Isi (FIFA), ifata umwanya wa 124.
Ni nyuma yo gutsindwa na Libya ariko na yo igatsinda Super Eagles ya Nigeria, mu mikino y’ijonjora ryo gushaka itike y’Igikombe cya Afurika cya 2025 kizabera muri Maroc yabaye muri uku kwezi.
Imikino Amavubi yakinnye yatumye yunguka amanota 6.02, agira 1136,06 no kuzamukaho imyanya ibiri ku rutonde rwa FIFA, ndetse inafata uwa 34 muri Afurika.
Nta mpinduka zabaye mu myanya itanu ya mbere ku Isi, iriho Argentine, u Bufaransa, Espagne, u Bwongereza na Brésil.
Muri Afurika, ibihugu bitanu bya mbere ni Maroc, Sénégal, Misiri, Algeria na Côte d’Ivoire.
Nigeria yatsinzwe n’u Rwanda bwa mbere mu mateka yahise imanukaho imyanya umunani kuri uru rutonde.
About The Author
