Imyidagaduro

Amashusho y’umwuzukuru wa Perezida Kagame ari kumusoma akomeje gutangaza benshi

NIYOYITA Jean damour July 4, 2022

Kuri uyu wa mbere tariki 04 Nyakanga 2022 ubwo mu Rwanda hizihizwaga umunsi mukuru wo kwibohora ku nshuro ya 28, Perezida wa repubulika y’u Rwanda Paul Kagame yagiranye ikiganiro n’ikigo cy’igihugu cy’itangazamakuru RBA.

Muri iki kiganiro, umukuru w’Iguhugu yabazwaga ku birebana n’uyu munsi wo kwibohora , umutekano w’igihugu ndetse n’ibindi byinshi bijyanye n’ubuzima rusange bw’abanyarwanda.

Ni ikiganiro cyanyuraga kuri radio na televiziyo by’u Rwanda aho hirya no hino mu gihugu abaturage benshi bari bakurikiye iki kiganiro.

Umukobwa wa Perezida Kagame Ange Kagame nyuma y’ikiganiro yahise ashyira amafoto ku rukuta rwe rwa twitter agaragaza umukobwa we akaba n’umuzukuru w’umukuru w’igihugu aho agaragara ari gusoma Sekuru kuri tereviziyo ubwo yari mu kiganiro.

Inyuma yayo mashusho Ange Kagame yayaherekesheje amagambo agira ati: “Umunsi mwiza wo Kwibohora”