Nyuma y’iminsi mike uwari umuyobozi wa Rwanda Inspiration Backup risanzwe ritegura iushanwa rya Nyampinga w’u Rwanda rizwi nka Miss Rwanda atawe muri yombi akekwaho ibyaha bifitane isano n’ihohotera ishingiye ku gitsina yagiye akorera abitabiriye iri rushanwa kuri ubu hanasohotse amajwi y’uyu musore asaba Miss Muheto ko bagirana ibyishimo.
Amakuru mashya byoseonline yabonye ni amajwi bikekwa ko ari ay’uyu musore, arimo gutereta Miss Rwanda 2022, Nshuti Divine Muheto.
Mu majwi yafashwe mu buryo bw’ibanga, Ishimwe yumvikana nk’uwababajwe no kuba Muheto yaramwimye ibyishimo, nyamara we yaramurwaniye ishyaka.
Ati “Ikintu kimbabaje ni ukuntu nakurwaniye ishyaka ngo nguhe ibyishimo, ariko wowe ukaba utandwanira ngo ubinyishyure.”
Mu iri jwi ry’iminota irenga icumi, Ishimwe yumvikana nk’uwingingira Miss Muheto kumwumva, akaba yareka kumuhakanira. Byarinze birangira yongeye kumuhakanira. Ishimwe asanzwe azwi nka Prince Kid kuko mbere yo gutangira gutegura irushanwa rya Miss Rwanda, yari umuhanzi.
Afungiwe kuri Sitasiyo ya Remera mu gihe iperereza ku byaha akekwaho rikomeje, kugira ngo dosiye ishyikirizwe Ubushinjacyaha. Yafashwe ku wa Mbere tariki 25 Mata 2022.
Ishimwe yatangiye gutegura Miss Rwanda mu 2014 binyuze muri Sosiyete yashinze yitwa Rwanda Inspiration BackUp.
Mbere y’icyo gihe, mu 2009 iri rushanwa ryateguwe n’iyari Minisiteri ya Siporo n’Umuco. Ryahise rimara imyaka ibiri ritaba, ryongeye kuba mu 2012 riteguwe na Mashirika itegura amaserukiramuco y’imbyino.
Inkuru bifitanye isano: Uko Abakobwa babaye ba Miss Rwanda bagiye batanga ruswa y’igitsina
About The Author
