Uwihoreye Jean Bosco wamamaye nka Ndimbati muri filime y’uruhererekane ya Papa Sava, aho afungiye muri gereza ntabwo yigunze kuko yakomeje impano ye aho akina ikinamico.
Kuri uyu wa Kane tariki 26 Gicurasi 2022 muri Gereza ya Nyarugenge habaye umuhango wo gutanga impamyabushobozi ku bagororwa 603 barangije amahugurwa y’ubumenyi ngiro.
Muri iri birori hakinywe umukino ugaragaza uko aya mahugurwa y’ubumenyi ngiro yagirira akamaro abagororwa bayahawe nyuma yo gusubira mu buzima busanzwe. Ndimbati ufungiye muri gereza ya Nyarugenge, yagize uruhare mu kwandika uyu mukino ndetse anawugaragaramo.
Uyu mugabo asanzwe ari umukinnyi wa filime ukunzwe cyane muri sinema nyarwanda, yafunzwe by’agateganyo, akaba ategereje kuburana mu mizi ku cyaha cyo gusambanya umwana utari wuzuza imyaka y’ubukure.
About The Author
