………….Aline yarakomeje arisiga yereka Habimana ko ntakibazo biteye undi nawe ntiyasohoka arakomeza aramwitegereza. Ubwo ni nako Habimana yegera igitanda aline yicayeho agenda amwegera undi akigira hirya gato. Nuko Aline abaza habimana icyo ashaka undi amubwira ko ashaka ko baganira.
Ubwo ninako habimana agenda akora ku kenda kagufi kumweru yari akenyeye agenda akazamura buhoro undi akamwihorera. Bakiri muri ibyo bumva umuntu arakomanze barikanga Habimana asohotse asanga ni wa mumama basengana uje ku mureba ngo bajye ku urusengero kuko byari umunsi w’amateraniro ya nimugoroba aritegura baragenda.
Ubwo ku rundi ruhande Olivier aracyari muri koma ako kanya mama karine abona bamwoherereje telefoni ya Olvier yari yataye ubwo yakoraga impanuka. Mama karine arebyemo abonamo amafoto menshi ya keza undi aratungurwa kuko keza yari yaraho ari umukozi wabo. Yinjira no mu butumwa bugufi gusa ku bw’amahirwe Olivier yari yarashyizeho ijambo banga bituma mama carine atabona ibirimo gusa arayibika kugira ngo azayijyane ku abatekinisiye bamukuriremo ijambo banga.
Akiri muri ibyo kamanzi aba arinjiye ahobera mama carine n’ubwuzu bwinshi kuko nubundi bari basanzwe baryamana. Ubwo batangira kuganira ndetse bagera kuby’urukundo rwabo nuko baribuze kurarana nijoro gusa ibyo byose kamanzi yararimo kubyumva nubwo yarari muri koma. Bakiri muri ibyo kamanzi abona umukunzi we keza aramuhamagaye gusa amuhamagara kuri vuga nkubone{video call} nuko kamanzi abwira mama carine ngo nabe aretse gato yitabe telefoni mama carine abona keza kuko yari amuzi gusa ntiyabwira kamanzi ko baziranye.
Habimana ageze ku rusengero yumva telefoni ye irasonye arebye abona ni aline umuhamagaye amubwira ko amukumbuye maze aline asaba habimana gutaha kare bakaganira. Undi nawe asenga adasenze kuko mu maso ye ntakindi yiboneraga uretse ukibero cya Aline yari yabonye. Ubwo bashoje amateraniro Habimana ntiyategereza clarise ngo batahane nkuko bisanzwe kuko umutima we wose wari wibereye kuri Aline.
Habimana akigera mu rugo yasanze Aline yamwiteguye cyane mu kajipo kagufi k’umweru kagaragaza neza akenda yari yambariyemo imbere. Aramuhobera cyane ubwo ni nako babyina akaririmbo keza ka Christophe kitwa iri joro. Ako kanya Clarisse aba arahamagaye gusa Habimana ntiyashobora kumwitaba bitewe nibihe by’ubuki bibereyemo. Ubwo iya Aline nawe irahamagarwa asanga ni Clarisse uhamagaye undi yishikuza Habimana yitaba mukuru we. Clarisse abwira Aline ko Atari butahe ariburare ku mu mama w’inshuti ye noneho ubuki buba bwivanze n’isukari.
Muri ako kanya ibiryo byari bihiye bararya ari nako banywa inzoga nyinshi kuko nubwo Habimana yasengaga cyane ntibyamubuzaga kuba afite inzoga muri firigo yanywaga iyo yabaga ari wenyine mu rugo. Baranyweye kugeza ubwo Aline asinda cyane biba ngomba ko Habimana amuterura amujyana mu cyumba cye na Clarisse batangira kwishimisha ntacyo bitayeho. Ubwo wa mumama nawe yibajije ikibazo Habimana yagize cyatumye amusiga kandi basanzwe batahana. Niko gufata umwanzuro wo kubanza kunyura kwa Habimana kugira ngo amubaze niba ameze neza.
Aragenda ahageze asanga harimo umuziki mwinshi kuburyo Atari gukomanga ngo babashe kumwumva Nuko yumvise batari kumva arakomeza agenda yegera icyumba barimo ageze ku muryango abona inkweto za Aline gusa ntiyabitindaho akigeramo imbere abona Habimana na Aline bibereye mu ijuru rito agwa mu kantu biramurenga afata telefoni arahamagara.
About The Author
