Nkibisanzwe mu mupira w’amaguru iyo umukino urangiye buri mutoza w’ikipe akora ikiganiro n’abanyamakuru aho bamubaza byinshi ku mukino uba umaze gukinwa ndetse n’andi makuru asanzwe mu ikipe ye.
Ni kenshi kandi umutoza w’ikipe ya APR FC Adil Muhammed yakomeje gushwana n’abanyamakuru b’imikino abasuzugura bikabije aho benshi yajyaga gukora ikiganiro bamwe akabanza kubirukana abashinja kumwibasira mu gihe n’abandi yabashinjaga ko ngo nta mafaranga abaha.
Kuri uyu wa gatandatu tariki ya 14 Gicurasi 2022, ubwo ikipe ya APR FC yari imaze gutsindwa na Kiyovu Sports, nkuko bisanzwe abatoza bombi bagiye gukora ikiganiro n’abanyamakuru aho basanzwe bagikorera ariko ibintu byaje guhindura isura ubwo umutoza wa APR FC Adil yaje kwinjira muri icyo cyumba abanyamakuru bose bagahita batangira kuvugira hamwe bati: “Sorti sorti sorti” bivuze ngo “Sohoka sohoka sohoka”.
Umutoza Adil wari umaze kugera imbere y’abanyamakuru amaze gukuramo ingofero yabonye ko ibintu byahinduye isura ahita yongera kuyambara maze asohoka ikitaraganya.
Uyu mutoza akorewe ibi nyuma yaho yagiye yumvikana kenshi ashinja itangazamakuru ry’imikino mu Rwanda ibikorwa byo gukora ibiganiro ari we bari kwibasira ndetse n’ibindi.
Reba amashusho hano:
About The Author
