Polsi yo muri Serere yataye muri yombi abakobwa bane bavukana bashinjwa kwica se w’imyaka 65 witwa Okure John, utuye mu Mudugudu wa Igora II, Paruwasi ya Okulonyo, Umurenge wa Orio, mu Karere ka Serere mu gihugu cya Uganda.
Ibimenyetso byegeranyijwe byerekana ko ku itariki ya 15 Kamena 2022, uwitwa Martha Akwango yavuye ku ishuri arimo kurira, nyuma yo gufatwa n’imyuka mibi. Ageze mu rugo, abavandimwe be batatu batangiye kumusengera ngo birukane amadayimoni yari yamuteye.
Urubuga boom.ug dukesha iyi nkuru ruvuga ko muri uko gusenga, abavandimwe batatu bari bari kwirukana amadayimoni yateye murumuna wabo, bateye se bamusanze mu nzu babanamo bose baramukubita kugeza bamwise.
Barangije bamukuyemo amaso bavuga ko yari arimo imyuka mibi kandi ari intandaro y’amadayimoni yabateraga. Iki gikorwa ngo kikaba cyari giteye ubwoba ku buryo amaraso yari yuzuye ahantu hose umurambo w’umusaza wavanwemo amaso.
Aba bavandimwe; Achumo Deboah, Achom Ester, Ikwadi Susan na Akwango Martha bahise batabwa muri yombi bashijwa kwica umubyeyi wabo.
About The Author
