Igikorwa cyo gushaka umukobwa uhiga abandi mu bwiza Miss Rwanda 2022 cyatangiye kuri uyu wa gatandatu tariki 29 Mutarama 2022 mu ntara y’amajyaruguru mu karere ka Musanze.
Mu ntara y’Amajyaruguru, abakobwa bagera kuri 51 nibo bari bateganijwe kwitabira amajonjora ya Miss Rwanda 2022 nyamara abagera ku munani ntibabonetse bivuze ko abakobwa 43 ari bo banyuze imbere y’Akanama nkemurampaka.
Nyuma yo kubazwa ibibazo n’akanama nkemurampaka no gusobanura imishinga yabo, Abagize akanama nkemurampaka bagiye kwiherera ngo bakusanye amanota birangira aba bakobwa bakurikira ari bo babonye itike yo gukomeza:
- Ishimwe Muhayimpundu Adelaide
- Mutavu Marie Leslie
- Nshuti Vanessa
- Bagiriteto Aliane
- Uwase Mignone
- Umutoniwase Dianah
- Cyiza Raissa
- Kaberuka Emmanuella
- Igiraneza Mugisha Ghislai
Sam Kalisa Umunyamakuru wa Televiziyo y’u Rwanda mu gisata cy’amakuru nubwo hari n’ibindi agenda agaragaramo hamwe na Martina Abera bose bakaba ari abanyamakuru b’Ikigo cy’igihugu cy’itangazamakuru, RBA ni bo bayoboye uyu muhango wabereye mu karere ka Musanze muri La Palme Hotel.
Abagize akanama nkemurampaka ni Mutesi Jolly wabaye Miss Rwanda 2016 akaba ari n’umunyamigabane muri Miss East Africa, Evelyne Umurerwa Umunyamakurukazi wa RTV na James Munyaneza umaze imyaka irenga 20 mu mwuga w’itangazamakuru.
About The Author
