Umuhanzikazi wo muri Tanzania Zuhura Othman uzwi ku izina rya Zuchu yahakanye ibyo kubyarana na Diamond Platinumz kabuhariwe mu gutera inda nyuma y’uko uyu muhanzikazi agaragaye mu mashusho ari gusomana na Fantana wo muri Ghana.
Ku munsi wo ku wa Mbere ubwo Zuchu yarimo kwisukisha yagaragaye mu mashusho yanyujijwe kurubuga rwa Tik Tok aho batombozaga, bamwe bemeza ko ashobora kuzarangiza uyu mwaka atwitiye Diamond Platinumz byavuzwe kenshi ko bakundana.
Zuchu mbere yo gusubiza yazunguje umutwe, agaragaza ko adashimishijwe nabyo ariko bigaragara ko arimo guhakana gusa atavuga. Uyu mukobwa yahise asohora ijambo aravuga ngo :” Oya ntabwo bizigera bibaho”.
Zuchu kugeza ubu ari mu rukundo na Diamond Platinumz akaba Umuyobozi we muri Wasafi Record dore ko byavuzwe ko bakundana nabo ubwabo bakabyemeza kuva muri 2021.
Urukundo rwaje guhindukana Zuchu rubi nyuma yaho uyu muhanzi Diamond Platinumz agaragaye arimo gusomana na Fantana ubwo bari mu kiganiro Young Famous and African. Muri aya mashusho Zuchu agaragara atuka Diamond Platinumz gusa bigaragara ko adakomeje.
Uretse izi nkuru zivuzwe ubu n’uyu mwari, yaherukaga kumvikana avuga ko atakwanga umukunzi we kubera kumuca inyuma gusa kugeza ubu yamaze guhindura imvugo.
Diamond Platinumz afite abana muri Afurika y’Iburasirazuba ndetse no muri Afurika y’Epfo, aba akaba yarabakuye ku bagore batandukanye bagiye bahita basesa umubano wabo buri wese agakomeza ukwe ariko agakomeza kubitaho.
About The Author
