Umunyepolitiki Atiq Ahmad wabaye umushinga amategeko mu Buhinde ndetse n’umuvandimwe we, Ashraf Ahmad, bishwe barashwe n’abihinduye abanyamakuru kuri uyu wa 15 Mata 2023.
Atiq na Ashraf, nk’uko France 24 ibitangaza, bari baherekejwe n’abapolisi mu mugoroba ubwo bari bagiye gusuzumirwa ku bitaro mu mujyi wa Prayagraj muri Leta ya Uttar Pradesh.
Abanyamakuru babafotoraga, abandi bafata amashusho atambuka ako kanya kuri televiziyo. Bari bashaka kumva icyo avuga ku rupfu rw’umwana we w’umwangavu warashwe n’abapolisi tariki ya 13 Mata.
Polisi yasobanuye ko haje abagabo batatu bari kuri moto, bigize abanyamakuru, begera Atiq na Ashraf nk’abashaka kubafata amajwi babegereye, mu kanya gato cyane babarasa mu mutwe.
Umupolisi witwa Ramit Sharma yagize ati: “Bashoboye kwegera Atiq n’umuvandimwe we bigira nk’aho bashaka gukora record maze babarasa baberegeye. Bombi bazize ibikomere by’amasasu mu mutwe.”
Aba bagabo bakimara kubarasa, bahise bishyikiriza Polisi kandi ngo byagaragaraga nk’aho bishimiye igikorwa bari bamaze gukora. Uru rwego rw’umutekano rwo rurashinjwa uburangare.
About The Author
