Ikirunga cya Nyamulagira giherereye mu majyaruguru y’Umujyi wa Goma mu ntara ya Kivu y’Amajyaruguru, cyatangiye kuruka kuva ku mugoroba wo kuri uyu wa Mbere.
Ikigo gishinzwe ubushakashatsi ku birebana n’ibirunga, Observatoire Volcanologue de Goma (OVG) mu masaha yatambutse cyari cyatangaje ko iki kirunga kiri kugaragaza ibimenyetso byo kuruka, gusa gisaba abaturage kutagira ubwoba ku mpamvu z’uko Nyamulagira itari bwerekeze amazuku yayo mu gice batuyemo.
Amakuru kuri ubu avuga ko iki kirunga kiri kohereza amazuku yacyo muri Parike y’igihugu ya Virunga, nyuma yo gutangira kuruka mu mugoroba wo kuri uyu wa Mbere.
Si ubwa muri uyu mujyi wa Goma ikirunga kiruka kuko no muri 2021 ikirunga cya Nyiragongo cyarutse benshi bava mu byabo ndetse abandi banahasiga ubuzima.
About The Author
