Mu mukino w’umunsi wa 16 wa shampiyona y’u Rwanda wahuzaga Rayon Sports na Musanze FC yo mu karere ka Musanze warangiye uyu mukino ubonetsemo ibitego bitanu nyuma yuko Rayon sports itsinze Musanze ibitego 4-1.
Ni umukino wabereye kuri sitade y’akarere ka Muhanga aho Igice cya mbere cyarangiye amakipe yombi anganya igitego kimwe kuri kimwe, igitego cyabanjwe n’ikipe ya Rayon Sports gitsinzwe na Mitima Isaac ku munota wa 14, kiza kwishyurwa na Peter Agblevor ku munota wa 19 w’umukino yombi ajya kuruhuka anganya.
Ku munota wa 51 Rayon sports yakomeje gusatira izamu byatumye myugariro wa Musanze Nsengiyumva Isaac yitsinda igitego.
Hadaciye igihe kinini ku munota wa 55 Eric Ngendahimana yatsinze igitego cya gatatu ku mupira wari uvuye kuri kufura yatewe mu izamu igakubita igiti cy’izamu ukamusanga ahagaze wenyine agahita atsinda icy’umutwe cyiza cyane.
Moussa Esenu yaje kurangiza umukino ku munota wa 72 ku mupira n’ubundi waturutse muri koroneri maze ahita aterekaho umutwe nta numuhutaje.
Nyuma yo gutsinda uyu mukino ikipe ya Rayon Sports yahise ifata umwanya wa kabiri n’amanota 31, mu gihe itegereje gukina na Mukura Victory Sports.
About The Author
