Mu gitondo cyo kuri uyu wa mbere tariki ya 09/Mutarama 2023, imodoka yo mu bwoko bwa Coaster (kwasiteri) itwara abanyeshuri bo ku kigo cy’ishuri rya Path to Success, yarenze umuhanda igwa mu ishyamba.
Aganira n’Ikigo cy’Igihugu gishinzwe itangazamakuru RBA, Umuvugizi w’ishami rya Polisi yo mu muhanda Irere René yabwiye RBA ko nta mwana numwe witabye Imana ariko atangaza ko hakomeretse abagera kuri 15 ndetse n’umushoferi bose bahise bajyanwa mu bitaro bitandukanye byo mu mujyi wa Kigali.
Iyi modoka itwara abanyeshuri biekwa ko yabuze feri maze ikarenga umuhanda igahita ikomeza mu ishyamba aho yaje kugabanywa umuvuduko n’ibiti byari biri mu ishyamba riri hafi aho kuri uwo muhanda.
Mu mezi ashize mu mujyi wa Kigali hagiye hagaragara impanuka nyinshi zikabije byatumye benshi batangira kwibaza ku ishami rya Polisi rishinzwe kugenzura ibinyabiziga aho benshi bavuga ko hari ibinyabiziga biba bidasuzumwe bihagije ibindi bikaba bitanasuzumwa.
About The Author
